时间：2018-07-13 19:31:26 来源：广州吃货gogogo作者：阿婆点击：
曾经有一份牛杂放系我面前，我冇好好珍惜，如果再畀多一次机会我吃多次嘅话，我希望係一万碗。
前晚，小编係群度收到料，话位于芳村陆居路市场嘅阿婆牛杂唔开啦，吓得小编即刻去陆居路市场睇下。
去到陆居路市场嘅时候，真係乜都没，唔通阿婆真係唔做啦？都係嘅，阿婆都开咗几十年，咁大年纪，今年都八十几岁啦。
对于好多老广来讲，一份阿婆牛杂承载住好多回忆。有人从细吃到大，以后再都吃唔到真係有啲唔习惯。
讲到“阿婆牛杂”，几乎个个都知，仲有人得登坐车到芳村去吃，以前老广中意吃，宜家信息传播咁发达，街知巷问，好多人都来排队，就係为佐吃到阿婆牛杂。
阿婆从上世纪80年代末退休就开始卖牛杂，一直到依家。以前嘅时候就基本上日日开档。但係年龄增长，就变得好任性，睇身体同天气来开档，有时候隔两三个月先开一次，基本上都係星期日开，真係好照顾上班一族嘅人，距离最近一次係旧年十二月。
阿婆嘅牛杂真係对得起滴食客，选材好，滴配料都係自己调制咖，而且价钱唔贵，二十蚊装到满。
记得以前去嘅时候，仲未去到档口，就已经见到啲人排晒长队，阿婆就係太阳遮下面卖牛杂，部车仔煮住好多牛杂。
因为阿婆年纪大，动作有滴慢，所以每次都係排咗两三个钟先吃到，但係啲人就好有耐性，咁长条队，真係去迟啲都会卖晒！
每次去，小编都中意点牛肚、牛膀、牛肠同萝卜来吃，仲有吸收咗一煲牛杂汤精华嘅豆卜，再淋埋阿婆自己调制嘅酸甜辣酱，真係吃到停唔到口。
个度唔係好大地方，所以好多食客都係企住吃，真係别有一番味道。
阿婆中意一边卖牛杂，一边同食客倾计，有滴食客好多要求，但係阿婆都好好脾气。服务就讲唔到啦，但係小编就係中意阿婆牛杂个味道。
虽然係流动档口，但係啲人就认准尼个档口，唔知道阿婆几时开门嘅人每次来都会得个桔。所以咁岩可以撞到阿婆开门卖牛杂，真係要去买下彩票啦。
小编去到乜都没，咁阿婆係唔係真係唔做啦？小编就问咗係阿婆档口隔离间车衫铺嘅阿姨。
小编：阿姨，想问下阿婆牛杂仲开唔开门？
阿姨：尼几个月应该就唔开咯，应该係过完年后先开。
小编：咁你係点知道阿婆係几时开门咖？
阿姨：我自己有开个群，阿婆一开门就係群度讲，佢啲嘢都放系我度，所以我会提前知道。
小编：咁个群係点开起来咖？
阿姨：一开始就好多人来问，所以就开咗个群。啲人一开始就话畀红包我，阿婆一开门就话佢地知，但係宜家尼佢地就帮衬我买饮料。
最后係闲聊嘅途中，我都叫咗阿姨拉咗我入群。原本芳村阿婆牛杂唔做，并不是真的。所以大家唔需要太担心。
阿姨仲话，佢同阿婆识咗好耐啦，之前有帮佢买咗嘅档口，但係周围变佐发廊，惊D头发吹到啲牛杂度，所以就搬咗。
“山长水远拜师学艺”
小编去到问阿姨嘅时候，咁岩就有人来想“拜师学艺”，原来佢地係係福建过来嘅，係网上睇到阿婆牛杂之后，就慕名而来“拜师”。
“洗十万都请唔到阿婆教”
但係阿姨就拒绝佐佢地，话之前有人用十万蚊叫阿婆教佢整，阿婆都唔教。阿婆买牛杂真係唔係为咗钱，而且阿婆嘅秘方都唔係秘密啦，学咗之后好少会似阿婆咁坚持做落去。
“美食传千里”
未有记者来报道之前，阿婆牛杂唔会好似宜家咁夸张，其实，越来越多人来吃，阿婆边度可以整到咁多牛杂？
一份好嘅牛杂，需要做好多准备功夫，仲要好早起身准备啲材料。阿婆咁大年纪，都好辛苦咖，而且佢滴仔女都唔同意佢再卖牛杂。
小编又问咗一家杂货铺嘅阿姨。
杂货铺阿姨：阿婆牛杂开佐好耐啦，两三个月开一次，基本上都係星期日开，之前係企对面卖嘅，之后就搬咗好多地方，最后就係尼度卖喇。
尼间开咗四十几年嘅杂货铺可以话係见证住阿婆牛杂嘅变迁！
睇来周围好多人都知道阿婆牛杂，连几时开嘅周期都知道，无论点都要吃一次。
其实坚持一样野真係好唔容易，而阿婆就坚持佐几十年，做住自己中意做嘅嘢，通过自己嘅努力来赚钱，真係好值得敬佩。
阿婆没因为自己出名啦，而“偷工减料”，畀足心机做街坊生意。年纪咁大都坚持摆档，虽然一年先开得两三次，但係都有好多街坊畀面。
阿婆牛杂真係可遇唔可求，随着年龄增长，车衫铺嘅阿姨就话，阿婆最多做多两三年就唔做啦，年纪大啦。
既然阿婆仲开档，所以，想要吃阿婆牛杂嘅话，就要等过年后啦，最紧要就係时刻留意阿姨嘅群，一有消息就要趁早去排队啦。
去过好多地方，食过好多美食， 但係都比唔上一碗阿婆牛杂咁回味。
三伏天吃什么汤解暑 解暑佳酿养生汤推荐三伏天吃什么汤解暑 解暑佳酿养生汤推荐
月子经典小米粥怎么做 产后恢复小米粥菜谱宝宝辅食自制冰棒 水果酸奶冰快手美味早餐 总有一款是宝宝最爱蒜蓉烤茄子怎么做 在家制作宝宝大人都能吃网友跟帖
Copyright 2005-2017 61.city 〖儿童城〗 版权所有
声明： 本站文章均来自互联网，不代表本站观点 如有异议 请与本站联系 本站为非赢利性网站 不接受任何赞助和广告
