当前位置：首页 > 生活 > 食谱

100元吃一天丨新市墟了解一下！

时间：2018-04-30 21:44:50 来源：黑色污染作者：糖水点击：

按现时的物价水平，100元在广州可以做到些什么？

喝一顿早茶？买一件衣服？唱一次K？还是约上两三知己吃一顿豪华大餐？

… … … …

其实善于发掘，100元也可以在广州做很多事情，譬如说：

接下来我们会以每条路来划分，用100元吃足一天！

第 20 期

新 市 墟

极少来新市墟噶我，俾我噶感觉唔同咗好多，以前来真喺觉得好乱，但喺依家有百信广场之后，周围环境同配套设施都跟上，应有尽有。

据说你哋买喜茶要排队？喺K11台盖排队？太二酸菜鱼排队？呢度通通唔需要！平时排队排一两个钟，你过来买到饮完都唔需要咁多时间~

最多人就非星爸爸莫属了，工作首选嘛，而且中午休息亦好多人喺室外开黑。

今次迎来100元噶第20期，污染哥话要贺贺距，去距屋企附近！gogogo！

- 1 -

电白粉

神7咁早，污染哥带路去食早餐，唔喺讲笑，九曲十八弯，就喺来食个4蚊噶电白粉。（睇清楚，唔系白粉，喺电白粉）

呢间档口都开咗16年，八年前换过一次老板，因为都系同乡人更迭，所以出品無变过。每日清晨开档，不断磨浆蒸粉，好多人都会一斤一斤咁买翻屋企食。但喺，新鲜出炉永远喺最好食噶，将一大块粉皮切成条状，同沙河粉类似，不过距切得随意d，再加猪油、豉油、生蒜、芝麻捞埋真系好鬼正！收翻我一路行一路话咁鬼远噶话，仲买咗两斤走~

捞粉 4元

地址：萧岗北门东节二十六巷

- 2 -

华盛面店

喺内巷入面噶面档，具体开了多少年不清楚，但污染哥帮衬咗近20年，主要都是街坊生意，唔喺食开噶都唔会稳到；貌似好早就开档，傍晚6点就收工。

做噶喺全蛋银丝面，无标榜系竹升压的。汤底清淡，稍嫌云吞大只咗d，味道唔错。而且分量够多10蚊够一个女仔食，14蚊可以够污染哥食了。猪手面和大肠面也是比较推荐，不过最好系捞面。

云吞面 10元

地址：新市西街11号

- 3 -

海南盐焗鸡

广州盐焗鸡就食得多啦，海南盐焗鸡又真喺未试过，污染哥就话会有惊喜，而且去迟咗，盐焗鸡会沽清嘎！搞到我来之前喺度霖，会有咩唔同呢？

老板唔浪费，卖盐焗鸡之余，将鸡骨】鸡心、鸡脚等材料拿来煲汤，够原汁原味，而且是免费的！有南北车神之称的公交车244路，D司机的饭堂就是这里！

污染哥话，带得我来食就肯定无咁简单啦！一拿上来我就讲咗句，点解有杞子咁养生噶？原来喺盐焗鸡基础上，鸡里面塞入当归、淮山、杞子，鸡皮有盐焗咸味之余，鸡肉充满药材噶味道，两样味又几夹窝。当归、淮山、杞子炖鸡就食得多，盐焗的你又试过未？

等饭噶途中，老板娘仲要亲自送外卖，可见饭点有几爆满。

老板d鸡都喺自己挑选噶，所以除咗海南鸡饭外，白切鸡都唔错（D自制姜蓉非常好吃！），仲有老板自己卤噶卤肉！！！

（认清楚地址，因为隔离有个翻版海南盐焗鸡...）

盐焗鸡饭 19元

地址：汇侨路外编3号(工商银行正对面)

- 4 -

银丰拉肠

一间唔起眼噶肠粉店，竟然有汤噶肠粉？我真喺孤陋寡闻了，第一次听...

新鲜制作的布拉肠浸落猪杂汤度，感觉有d似食紧汤粿条，不过拉肠的口感比较软滑，更薄不过就易碎，口味清淡噶会中意，我就觉得味道唔多够，拉肠都喺正正常常落豉油好味d。

猪杂汤肠粉 15元

地址：汇侨路63号

- 5 -

西关名轩阁

喺呢条路最旺噶一间店，粥粉面饭糖水炖品奶茶点心等品种多到你数唔晒，而且出品快。从早餐到宵夜都好多人帮衬，几乎住汇侨新城里的人都帮衬过佢。

粟米饺超大只，新鲜煎出来热辣辣，外皮好香脆，如果作为工作餐的话，四只饺子加碗粥就可以喂饱我了。

粟米饺 10元

地址：汇桥新城汇桥路52-66号101.103.201号铺

- 6 -

陈洽酥面店

喺汇侨小区里面噶潮汕小吃店，老板好随和，最重要喺价格便宜，好受附近街坊欢迎。

同传统打冷店一样，都有一张大台摆满各式各样食物，中意边样就加，我哋来得太迟，好多都沽清。

污染哥话呢度个戈饭好味，我第一次听呢个名听唔明...其实戈饭就喺有芋头、薯仔、肉卷、青菜喺个大电饭煲入面捞匀，又芋头又薯仔，真喺听到都觉得饱肚。加个老火汤先5蚊，胜在真材实料，难怪中午咁多人来帮衬。

d熟客见老板咁忙，干脆就自己动手，仲要话距咁样煮先最好味。

戈饭+老火汤 15元

地址：汇侨南二街37号铺

- 7 -

姐弟糖水牛杂店

喺新市麦当劳旁边条巷仔行进去，靠近市场口的唔起眼噶店，糖水牛杂都有卖，食咗咁多了，要整碗糖水解下腻啦。

有热有冻，最重要喺只需要几蚊，俾出边果d咩记好好多，都喺老板自己煲噶，真材实料，如果豆腐花可以有姜糖就完美啦。

人均 3蚊

- 8 -

答案茶

据说喺抖音上好红噶答案茶，连续三间都喺饮品店竟然得距一间要排队？梗喺要试试水~

落单之后，会叫你写一个问题，距会喺奶盖面打印答案出来。买噶人唔喺好多，都喺等出品多，做一杯嘢饮做咗差唔多20分钟...我终于知道点解距要排队。

味道就真喺麻麻，茶底好淡好似平时一杯开两杯噶感觉，奶盖一般，感觉就喺噱头嘢...如果要有占卜答案，就必须点奶盖茶，15元起，新开业有8折，但就出品来说，性价比依然不高

12元

地址：机场路百信广场一楼入口处

- 9 -

大蕃鲜生

其实呢度主要喺山东运牛肉落来批发贸易，但喺见d内脏就少人买，所以干脆唔好浪费，老板直接炆咗距来整牛杂煲，卖俾d街坊。炆得好淋，同平时噶唔同噶喺，距落好多芡，比较接近牛肉羹噶感觉，味道唔会好咸，如果拿来捞早上噶电白粉就超好味了。

牛杂 10元

地址：机场路521号

账单

电白粉4 元答案茶12 元海南盐焗鸡饭19 元猪杂汤肠粉12 元粟米饺10 元戈饭+老火汤15 元糖水3 元云吞面10 元牛杂10 元总 共：95 元

今次做新市墟好饱，以往做100蚊都好饱，但喺今次特别饱...

你们不妨说出你们

熟悉的街道

喜欢的美食

让我们帮你实现一下~

“广州100元吃一天”系列

▽

东川路的黄昏？

陆居路，阿婆不开档的日子里，你还能吃这些…

海珠路还有这五家上次没写完！

不在海珠区的海珠路

天河南一路的六家店，很多都没别人介绍过～

终于轮到江南西～

黄埔古港走一走

晓港的美食攻略，要从地铁站开始！

短短的光孝路，几乎一步一食肆

百灵路的鸡扒饭是多少知用人的回忆…

沙园，是一个叫阿Jam的男孩从小吃到大的味道

前进路，隐藏着几多只有街坊才知的味道？

第十甫路，老字号是否仍有老味道？

龙津路上吃到的都是人情味

泮塘路上吃了这么多，却再也找不到水菱角

在庙前直街跟着学生们觅食！

从长寿路吃到宝华路！

德政路吃到可以打包走！

西华路吃到扶墙走！

同福路吃足七餐纪实

开通氢气球帐号（氢气球帐号名称：吃货走食日记）

连续日日原创精彩文章+搜罗有趣内容，你订阅了吗？

女人要多吃三种蛋哦

网站首页 返回栏目

返回列表

最新文章

推荐文章